Ibhubhise wonke amalungu omndeni angu-5 ingozi yaseMzumbe

KUBE umzuzu wosizi kuvela ukuthi phakathi kwabanye abantu ababandakanyeke engozini yomgwaqo eyenzeke ku-N2 eMzumbe bekungamalungu amahlanu (5) omndeni owodwa.

Lengozi okushayisane kuyo imoto encane eyiSuzuki nenye eyiMinibus elayisha-7 yenzeke ngoLwesihlanu ebusuku ngaphambi kwebhuloho lomfula uMzumbe.

Kushone izingane ezingu-3 ezineminyaka ephakathi kuka-3 no 5, nabantu abadala okukholakala ukuthi bekungumama nobaba wazo abafe ujuqu.

Abanye abalimele kube ngowesifazane oneminyaka engu-14 ophuthunyiswe esibhedlela esiseduze, kanti kwabebesemotweni elayisha-7 kulimale abantu ababili.

Umphathiswa wezokuthutha esifundazweni saKwaZulu-Natali, uMnuz. Sboniso Duma uthe uthumele ithimba elivela ehhovisi ukuthi lixhumane nomphakathi nemindeni ethintekile. Uthe kuzokhishwa umbiko ngokwenzekile maduze uma sekwenziwe uphenyo njengoba konke sekudluliselwe emaphoyiseni.