Umshayeli obanjwe edakiwe ushayise inqwaba yezimoto neyamaphoyisa

UMSHAYELI wemoto eyi-van ubanjwe amaphoyisa edakiwe emgwaqeni u-N3 qede wenza umonakalo emotweni yamaphoyisa emuva kokuhlehlela kuyo.

Ngaphambi kwalokho amaphoyisa e-Road Traffic Inspectorate (RTI) abencizwe ngumuntu wesifazane ngowesilisa odakiwe omshayelisa kabi emgwaqeni.

Aphuthumile amaphoyisa endaweni abeyalelwe kuyo ilona wesifazane ayibona imoto eyi-van iMahindra emhlophe ku-Chota Motala Road.

Athe mayembopha amaphoyisa walwa nawo wabaleka.

Ngesikhathi ebaleka imot yakhe ishayise inqwaba yezimoto emgwaqeni u-N3.

Uqhubekile washona ngase-Howick washayisa imoto ngaphambi kokungena emgwaqeni u-R103.

Ube esegudlukela ku-Hilton Avenue nakhona washayisa enye imoto encane.

Kugcine kulimala lesifazane, uPhiwokuhle Ndabezitha okuyilo elikwaze ukumbamba lomsolwa.

Uboshiwe umsolwa, uzobhekana namacala okushaya nokubalekela ingalo yemthetho. Uzophinde abhekane namacala okushayela budedengu.