UButhelezi usebeke R10M ukuze kuqashwe abantu abangu-300 komasipala basemakhaya

UMPHATHISWA womnyango wezokubusa ngokubambisana nezindaba zomdabu KwaZulu-Natal, uMfu. Thulasizwe Buthelezi usencome uhlelo lokubuthwa kwemfucuza njengesisekelo esisizile ukwakha amathuba emisebenzi esifundazweni.

Lokhu ukusho emuva kokuvela kombiko i-Labour Force Survey edalule ukuthi sehlile isibalo sabantu abangasebenzayo kuleli.

Isifundazwe saKwaZulu-Natali sibe sendaweni yesibili ngokuba nabantu abaningi abasebenzayo

Umnyango kaButhelezi usubeke imali engu-R10 million ukuze kuqashwe abantu abangu-300 ngaphansi kohlelo lwe-Expanded Public Works Programme (EPWP), oluzogxila ekubuthweni kukadoti nokusetshenziswa kwemfuza ukwenza eminye imikhiqizo (recycling) komasipala abangu-6 abasemakhaya.

Lomnyango uthe lokhu kuyiqhingasu elinqala ekusimamiseni izinga lempilo kanye nokuthuthukisa amakhono.