Inhlangano ka-Black Coffee izohambela izikole ihlola amehlo kubafundi bakuleli

INHLANGANO ka-DJ Black Coffee, i-Black Coffee Foundation is isemkhankasweni wokuhlola amehlo kubafundi basezikoleni zaseSoweto.

Lo mkhankaso ozoqala ngoMsombuluko, mhlaka-9 Nhlolanja (February) 2026 ubizwa nge-Gift of Sight by Black Coffee.

Ngokwezinhlelo ze-Black Coffee Foundation ukuhlowa amehlo kubafundi kuzoqala eThabisang Primary School ese-Orlando. Kulesikole esinabafundi abangaphezu kwamakhulu ayisikhombisa (700) kuzophinde kunikelwe ngomfaniswano wesikole.

Esitatimendeni inhlangano ka-DJ Black Coffee ithe ngalomkhamkaso ifuna ukulungisa inkinga ebhekene nabafundi yokuphazamiseka ezifundweni zabo ngenxa yokungaboni kahle. Ithe ikholwa ukuthi ukulungiswa kwalenkinga kuseva kuzosiza abafundi bekwazi ukubhala, ukufunda kanye nokugxila ezifundweni zabo.

Lo mkhankaso uzosabalaliswa nakwezinye izifundazwe.