Ingqophamlando umnyango wezokuthutha eKZN uvula ibhuloho olakhe namasosha.

UYAQHUBEKA nokuxhumanisa imiphakathi umnyango wezokuthutha KwaZulu-Natal oholwa umphathiswa, uMnuz. Sboniso Duma njengoba kuthe ngoLwesihlanu wavula ibhuloho, i-Henley Dam Bridge eMsunduzi.

Leli bhuloho lakhiwe emuva kokubikwa kwezigameko eziningi zokuminza kwabantu, befe uma kunezimvula ezinkulu.

Esithombeni: Ngesikhathi kuvulwa ibhuloho i-Henley Dam Bridge ngoLwesihlanu

UMnuz. Duma uthe ukwakhiwa kwalo kube ukubambisana okuhle phakathi komnyango nombutho we-South African National Defence Force (SANDF), umnyango wezemisebenzi yomphakathi nomasipala waseMsunduzi.

“Siqinisekise ukuthi ukwakhiwa kwalo kuyashesha ngoba baningi abantu abafe ngenxa yokuminza obekudalwa izimvula ezinkulu”, kusho yena.