Ulinyazwe kanzima owaseMalawi ebanjwa inkunzi eMaoti

UPHUTHUNYIWE esibhedlela kunzima owesilisa waseMalawi olinyazwe abantu abebembamba inkunzi ngoMsombuluko ekuseni.

Utholwe elele kabuhlungu emgwaqeni emuva kokuphucwa umakhalekhukhwini nesikhwama semali, wase egwazwa inxeba elijulile emlenzeni.

Abantu abebedlula ngendlela bkwazile nokho umsiza agibele itekisi ngabo-06:00 waya emtholampilo ose-Trenance Park, ngebhadi wafika kusavaliwe.

Ube eseqhubekela kudokotela ozimele osebenzela eduze nakhona wafika kungakasetshenzwa. Ube esehlala emnyango walinda ukuthi kuze kuvulwe ngo-08:00.

Kube sekufonelwa onogada bakwa-Reaction Unit of South Africa (RUSA) abafike masisha bamphuthumise esibhedlela.