Ugwetshwe iminyaka engu-15 owabulala owayedume “ngokushaya” ibhodwe

UMNUZ. Sbusiso Zitha ugcine egwetshwe iminyaka engi-15 inkantolo iGauteng High Court ngecala lokubulala umpheki owayedumile uThembekile “Pastry Princess” Letlape.

UZitha owayeyisoka likaLetlape waboshwa emuva kokuzivumela yena ukuthi wabulala uLetlape ngomhlaka-30 Nhlaba (May) 2024 ngokumgwaza inqwaba yamanxeba kubuka ingane yabo eyayineminyaka ewu-10.

Ngesikhathi lethula isigqwebo, ijaji Shanaaz Mia lizwakalise ukukhathazeka ngokwanda kwesibalo sokubulawa kwabantu besifazane ezweni abalingani babo.Uthe isigwebo asinike uZitha simfanele futhi sizoba isifundo nakwabanye.