I-Metro FM idlula zonke iziteshi ngokulalelwa

UCWANINGO lwakamuva olwenziwe i-Media Online 2025 luthole ukuthi umsakazo owenza inzuzo ngaphansi kwe-SABC, i-Metro FM ilalelwa kakhulu abantu abafuna ukuzwa umsakazo ngobuchwepheshe obudlala imisakazo (online).

Ngokwalolu cwaningo i-Metro FM ilalelwa kakhulu eNingizimu Afrika njengoba igijima ku-50%, i-Radio 2000 isendaweni yesibili ngo30% bese iGagasi FM lona libe sendaweni yesithathu ngo-28% ne Jacaranda FM kweyesine ngo-21%.

Kuvele ukuthi uma abalaleli befuna ukulalela umsakazo ngobuchwepheshe bancamela i-DStv Audio, ehamba phambili ngo-69%, endaweni yesibili kulandele i-YouTube ngo-61%, yona elandelwa i-Spotify ngo-56%. U-41% uncamela ukulalela ama-website azo iziteshi.

Okuqaphelekile ngalolu cwaningo lwe-Media Online 2025 ukuthi Ukhozi FM okuwumsakazo ohamba phambili ngabalaleli alubonwa nangokhalo kulezi balo. Akuthusi nokho njengoba kwaziwa ukuthi Ukhozi FM lunabalaleli abathembekile futhi abasakholelwa kakhulu ekuthengeni nasekulaleleni umsakazo.