Asemathathu amacala okubulala abhekene neNkosi yakwaNxamalala

KUSINDA kuyehlela eNkosini yakwaNxamalala eMpendle, uSimphiwe Zuma (55) njengoba kwanda amacala ebhekene nawo enkantolo i-Howick Magistrate’s Court.

NgoMsombuluko uZuma ubevele kule nkantolo nomunye umsolwa aboshwe naye, uThembelani Mbatha (30) ngecala lokubulawa kukaXolani Ndlovu-Ntombela.

Bobabili babhekene necala elenzeke ngo-2022 lokufa kukaNdlovu-Ntombela okusolwa ukuthi ubulawelwe ukuveza udaba lokudayiswa komhlaba ngendlela engekho emthethweni endaweni yaseMasosheni.

INkosi uZuma ibhekene naleli cala ivele ihamba amanye amabili okubulala induna uQalokunye Zuma nomholi we-DA, uNhlalayenza uNdlovu. Amacala ebhekene nawo awokuhlela itulo lokubulala nokuba nesibhamu nezinhlamvu okungekho emthethweni.

Icala lihlehliselwe umhlaka-15 Mandulo (September) kusafakwa isicelo se-bail.