Amaphoyisa athungatha abadubule kwafa ababili oThongathi

AMAPHOYISA aKwaZulu-Natali aphenya isehlakalo sokudutshulwa kufe abesilisa ababili (2) oThongathi, enyakathi yeTheku ngoLwesibili.

Ngokusho kwabazibonele, kuqhamuke imoto engaziwa yama maqondana nabafi, abebematasa belungisa umsakazo wemoto ebomvu eyi-Toyota Corrola. Kube sekuzwakala umsindo wokukhala kwesibhamu amahlandla amaningi. Ibe isibaleka imoto yababulali.

Omunye wabafile oficwe endaweni yesigameko esethule udutshulwe ekhanda, entanyeni nasesifubeni. Omunye ukwazile ukubaleka nezinhlamvu, wathola usizo lwemoto emphuthumise esibhedlela nokho ngeshwa washonela endleleni.

Kuze kube manje akukaziwa ukuthi yini eholele kulesigameko. Amaphoyisa agcwele amathafa afuna ababulali.