PRETORIA, SOUTH AFRICA - OCTOBER 23: Royal AM owner Andile Mpisane during the Betway Premiership match between Mamelodi Sundowns and Royal AM at Loftus Versfeld Stadium on October 23, 2024 in Pretoria, South Africa. (Photo by Lefty Shivambu/Gallo Images)

U-Andile Mpisane usesayiniswe iMbabane Highlanders AM

October 4, 2025 UMKHAYA

NGESIKHATHI unina ka-Andile Mpisane, u-Shawn “MaMkhize” Mkhize ebonakala ematasa nezingxoxo zokuthenga ubunikazi beMbabane Highlanders kwakulindeleke u-Andile amenyezelwe njengomphathi wayo njengoba ubephethe iqembu eselahlakazwa i-Royal AM.

Nokho akubanga njalo kwazise bekusenomsebenzi omningi wamaphepha obekusadinga ukuba ulungiswe.

Muva nje u-Andile ugcine esethuthele Eswatini ukuyoba ingxenye yeqembu eliholwa unina futhi eselishintshe negama kwengezwa isifinqo segama elithi “Andile Mpisane” – AM laba i-Mbabane Highlanders AM F.C.

Ngokwemibiko esinayo u-Andile uzoqhubeka nokuba umdlali aphinde sethimbeni labaphathi beqembu njengoba bekwenzeka kwi-Royal AM.

Abalandeli bakholwa ukuthi ukufika kwakhe kuzoqinisa ukuzethemba kubadlali kuphinde kuhehe abaxhasi, yize abanye bengayizwa kahle indaba yakhe.

Bathi uthola amathuba amahle eqenjini ngoba liphethwe unina.

UMaMkhize wamenyezelwa njengomengameli omusha weMbabane Highlanders AM F.C. ngoNtulikazi nonyaka emcimbini owawubukhazikhazi khoba Eswatini.