Uzothambisa inhliziyo kaMaDhlomo uMusa Mseleku ozobonakala kuScandal maduze

UMDLALO owuchungechunge odlala ku-Etv, i-Scandal uhlale wenza ezibukwayo uma kuziwa ekuthakeni izinongo ukuze uhehe ababukeli.

Muva nje lo mdlalo umemezele ukuthi kuzobonakala usaziwayo odume ngesithembu ohlelweni oludlala kuMzansi Wethu oluthi Uthando Nesithembu, uMusa Mseleku.

Emuva kokuzwa lezindaba abaningi bamagange ukuthi yini ayiphathele ababukeli uMseleku odume ngokuba nesisoka.

Ku-Scandala, uMseleku ongusomabhizinisi nombhali wezincwadi uze ngesimemo sikaNhloso Gasa ukuthi azokhuluma nomkakhe uMaDhlomo.

UNhloso usezinhlelweni zokuthatha unkosikazi wesibili, uDintle Nyathi nokuyinto uMaDhlomo angayizwa kahle.

Ngkho umsebenzi ofakelwe uMseleku kulesi siqephu ukuzozama ukuguqula umqondo kaMaDhlomo.

Kazi luzogcina lugobile yini uphondo? Kuzobonakala emidlalweni elandelayo. I-Scandal sidlala phakathi nezinsuku ngokugamanxa kwehora lesikhombisa (19:30) kusihlwa.