Amaphoyisa afuna uthuli ababulale (2) baseZimbabwe besemotweni

AMAPHOYISA asezithendeni zabasolwa abadubule babulala abantu ababili (2) baseZimbabwe esifundeni saseVhembe, eLimpopo ngeSonto ekuseni.

Laba baneminyaka engamashumi amathathu (30) nengamashumi amabili nesishiyagalombili (28) ngokuhlukana.

Amaphoyisa abathole ngemuva kancane kokugamanxa kwehora lesikhombisa (19:30) kusihlwa emuva kokubikelwa ngomsindo wokuqhuma kwesibhamu.

Efika endaweni abetshelwe ngayo afice imoto eyi-Toyota Hilux 2.8 GD ingenamuntu ehlathini eliseduze komgwaqo oyibhuqu.

Athe mayesondela emotweni athola owesilisa ehlezi esihlalweni somshayeli esefile, omunye utholwe ebangeni eliseduze nemoto naye esefile.

Amaphoyisa aphume inqina athungatha abasolwa abadubule, babulala laba.

Okwamanje ayakaziwa imbangela yokubulawa kwabo.