MANDENI | Umasipala waseMandeni ngokubambisana nowesifunda, iLembe District Municipality basemkhankasweni wokuchitha imizuzu engamashumi ayisithupha nesikhombisa (67) yokubungaza usuku lwalowo owayengumengameli wokuqala wentando yeningi uDkt. Nelson Mandela ngokuhambela izikhungo ezingenzi inzuzo ezisebenzela umphakathi.

ISIGABA SOKUQALA – Kuhanjelwe isikhungo, i-Abelimo Old Age Home, eNembe ngaphansi kuka-ward 05. Lapha abaholi bakamasipala waseMandeni nabaholi bakamasipala wesifunda iLembe, bafase amabhuzi, bafinqa imikhono behlanza lesisikhungo baphinde banikela ngezinsiza zokuhlanza, ukuziphilisa kanye nokuhlinzeka ngezithombo ukugqugquzela usiko lokudla ukudla okunempilo.

ISIGABA SESIBILI – Esigabeni sesibili, lelithimba eliholwa imeya, ikhansela uMnuz. Thabani Mdlalose kanye nemeya yeLembe, ikhansela uMnuz. Thobani Shandu bazohambela isikhungo iHambavangeli eku-ward 08 eMacambini.