ABASE-CHINA BANIKELE NGO-R1M WEZINHLEKELELE KWASITHEBE
IZWE lase-China lixhase umphakathi wakwaSithebe ngemali engu-R1 million wokusiza nxashana kuba nezinhlekelele ezidalwa, phakathi kokunye isimo sezulu. Le mali yemukelwe egameni lomphakathi ngungqongqoshe womnyango wezokubusa ngokubambisana nezindaba zomdabu KwaZulu-Natali, uMfu. Thulasizwe Buthelezi.
Lokhu kwenzeke khona kwaSithebe ngaphansi kukamasipala waseMandeni lapho lo mnyango ubuthula umkhankaso wawo wokulungela ukubhekana nezinhlekelele zesikhathi sasebusika.
Kuzombuleka ukuthi ngomhlaka-30 Mbasa 2025 kuzoba nokhetho lokuchibiyela ku-ward 18 khona kwaSithebe, okuyindawo enamafemu asiza abantu baseMandeni ngemisebenzi. Ukhetho lokuchibiyela luza emuva kokubulawa kwekhansela, uMnuz. Phe Mabhida owadutshulwa emzini wakubo.
Amaqembu angenele umbango oshisa phansi kuleya ndawo i-IFP, EFF, ANC kanye ne-MK Party.
UMfu. Buthelezi uthe lemali izosiza kakhulu ezigamekweni zezinhlekelele. Uthe bona njengomnyango sebekulungele ukubhekana nezinhlekelele zesikhathi sasebusika.
