Izindaba

KUBOSHWE OWESILISA NOMNGANI WAKHE NGOKUFA KUKANKOSIKAZI

AMAPHOYISA aseLimpopo abophe owesilisa oneminyaka engamashumi amathathu nane (34) nomngani wakhe oneminyaka engamashumi amabili nane (24) ngokufa kukankosikazi wakhe obeneminyaka engamashumi amabili nesishiyagalolunye (29).

Amaphoyisa athe lona wesilisa uzinikele kuwo emuva kwalesi sigameko. Isidumbu sikankosikazi wakhe sitholakale ehlathini sinenqwaba yamanxeba okudutshulwa emahlathini angase-Kromdraai e-Free State sekudlule izinsuku ezintathu ebulewe.

Okhulumela amaphoyisa aseLimpopo, uMalesela Ledwaba uthe umngani kamsola uboshwe ekhaya kubo eTshamatumbu ngaphandle kancane kwaseMusina ngecala lokutholakala nezibhamu ezimbili ezingekho emthethweni.

UMalesela uthe umsolwa wokuqala kanye nomkakhe abangabasesifundeni iVhembe bebebikwe njengabadukile esiteshini samaphoyisa iMoroka SAPS eGoli. Kuthe ngomhlaka-22 Masingana kwabe sekutholakala isidumbu sowesifazane oneminyaka engu-29 sinoxhaxha lwamanxeba okudutshulwa emahlathini eduze komgwaqo u-N1 e-Kromdraai, e-Free Sate.

INTATHELI YOMKHAYA

UMKHAYA iziko lezindaba elibika ngolimi lwesiZulu izihloko ezisematheni, ezosaziwayo, ezemfundo, ezemidlalo kanye nangabantu abenza izinto ezinhle emphakathini. Sibika zonke izindaba ngokuthembeka, ngeqiniso nangobuqotho.