KUSAPHENYWA NGOBULALE INTOMBI (22), INGANE (3) NAYE WAZIHENGA WAFA
AMAPHOYISA aKwaZulu-Natali asaphenya isigameko sokugwazwa kubulawe intombi isoka layo, laphinde labulala ingane eneminyaka emithathu (3) ngaphambi kokuthi lizihenge nalo lafa eDangaya eduze kwaseMgababa.
Ngokuchaza kwamaphoyisa izidumbu zalaba zitholakale ngoLwesihlanu, mhlaka-20 Zibandlela ekuseni, nokusolakala ukuthi isigameko esenzeke ngoLwesine noma ngezintatha ngoLwesihlanu.
Isithombe: Owesilisa obulele intombi yakhe, ingane naye wazibulala
Ngesikhathi amaphoyisa efika endaweni yesigameko, isidumbu sowesifazane oneminyaka engamashumi amabili nambili (22) nesengane yakhe bezilele edanyini legazi zinenqwaba yamanxeba okugwazwa.
Isithombe: Owesifazane obulewe isoka lakhe kanye nengane yakhe ayiphethe
Umsolwa oneminyaka engamashumi amabili nane (24) yena utholwe elenga, ezihengile phezulu ophahleni olungphakathi endlini. Kuphinde kwatholakala omazisi babo laba abafile phezu kombhede.
