ULAHLWE NGAMACALA ANGU-9 UMDLWENGULI NOMBULALI ONGENANMBEZA
INKANTOLO I-Secunda Regional Court ikhiphe isahlulelo sayo ngamacala ayisishiyagalounye (9) abebekwe uThemba Shongwe. Le nkantolo imlahle ngamacala ayisishiyagalolunye okuhlanganisa kuwo amane okubulala namahlanu okudlwengula amantombazane amancane eMbalenhle Ext. 17 phakathi kuka-2016 no-2018.
Elokuqala nelesibili elokudlwengula abulale uMihle Zinganto owatholakala efile ngomhlaka-7 Lwezi 2018, nokwasetshenziswa ulibofuzo okuyilo olwamhlanganisa necala. Utholakale enecala.
Elesithathu nelesine elokudlwengula abulale uSonto Cynthia Masilela owatholakala efile ngomhlaka-28 Nhlangulana 2017. Kwasetshenziswa ulibofuzo okuyile olwamhlanganisa necala. Utholakale enecala.
Elesihlanu elokudlwengula uPhindile Dladla, nokwasetshenziswa ulibofuzo ukumhlanganisa necala. Utholakale enecala.
Elesithupha nelesikhombisa elokudlwengula uNokulunga Nkutha owatholakala efile ngomhlaka-12 Ncwaba 2016. Kwasetshenziswa ulibofuzo olungakwazanga ukumhlanganisa necala. Utholakale enecala.
Elesishiyagalombili nelesishiyagalolunye elokudlwengula abulale uLerato Nkutha owatholakala efile ngomhlaka-9 Nhlaba 2018. Kwasetshenziswa ulibofuzo olungamhlanganisa necala. Utholakale enecala.
Kuwo wonke lamacala awenze eMbalenhle uShongwe utholwe engemsulwa kanti icala lakhe lihlehliselwe uLwesithathu oluzayo olungomhlaka-18 Zibandlela 2024.