Izindaba

UPHUTHUNYISWE ESIBHEDLELA NGENDIZA OWESIFAZANE OSHAYISWE IMOTO EBALLITO JUNCTION

INTATHELI YOMKHAYA

OWESIFAZANE obesenxanxatheleni yezitolo iBallito Junction uphuthunyiswe esibhedlela kukubi emuva kokushayiswa imoto eqhamuke isidla amagalane endaweni epaka izimoto kuleli dolobha ngoMsombuluko ntambama.

Kuzbizwe abezimo eziphuthumayo bakwa-IPSS Medical Rescue abafike bamxilonga, bathola ukuthi ulimele kanzima bamphuthumisa esibhedlela ngendiza enophephela emhlane.

Okhulumela abe-IPSS Medical Rescue, u-Samantha Meyrick uthe abasebenzi babo bafike lona wesifazane elimele kanzima kwaphoqa ukuthi aphuthunyiswe esibhedlela ngokuphuthuma.

“Abasebenzi bethu basebenze kanzima ukumhlenga base bemphuthumisa esibhedlela ngendiza ukuze athole ukunyangwa okuthe xaxa”, kusho u-Meyrick.

Lona wesifazane oneminyaka engamashumi ayisithupha nesishiyagalombili (68) akukaziwa ukuthi ushayiseka nje imoto beyikade inankingani kanti amaphoyisa asaphenya.

INTATHELI YOMKHAYA

UMKHAYA iziko lezindaba elibika ngolimi lwesiZulu izihloko ezisematheni, ezosaziwayo, ezemfundo, ezemidlalo kanye nangabantu abenza izinto ezinhle emphakathini. Sibika zonke izindaba ngokuthembeka, ngeqiniso nangobuqotho.