Izindaba

ABE-LOTTO BAFUNA ONQOBE ISAMBA SIKA-R77 MILLION WE-POWERBALL

INTATHELI YOMKHAYA

INKAMPANI ebhekene nomsebenzi wokudlalwa kwe-Lotto kuleli, Ithuba Holdings ifuna umuntu oyedwa onqobe imali engu-R77 428 794.30 kwi-draw ye-Powerball yangoLwesibili, mhlaka-26 Lwezi.

Le nkampani iqhubeke yathi abantu abathathu ababambe izimbolo ezinhlanu umuntu emunye bazohlukaniselana imali engu-R157 178.80. Kwathi abantu abangu-144 423 bathola inombolo eyodwa ye-Powerball bazohlukaniselana imali engu-R10.

Akekho onqobe i-Powerball plus ngakho izoqhubeka ibe ngu-R12 million ngoLwesihlanu, mhlaka-29 Lwezi. Uyedwa onqobe esigabeni sesibili se-Power plus ohambe nemali engu-R194 717.60.

Ithuba Holdings ithe isabheka omunye futhi umuntu onqobe imali engu-R19 million we-Lotto kwi-draw ebingomhlaka-20 Lwezi.Ithikithi layo lathengwa esitolo sase-Spar esise-Rustenburg e-North West.

I-TimesLive ibike ukuthi kufunwa omunye umuntu onqobe imali engu-R10.9 million kwi-draw ye-Lotto plus 2 ebingomhlaka-23 Lwezi. Lona udlale esitolo sase-South Gate Spar eMgungundlovu.

masibuyela odabeni oluqala, isikhulu esiphezulu kwi-Ithuba Holdings, u-Charmaine Mabuza unxuse abantu ukuthi bebheke amathikithi abo.”Onqobile uthenge ithikithi lika-R60 wakhetha izinombolo ngomshini”, kusho yena.

“Sicela bonke abadlale i-lotto e-Spar ose-Rustenburg ukuthi bebheke amathikithi abo”, kusho uMabuza.

INTATHELI YOMKHAYA

UMKHAYA iziko lezindaba elibika ngolimi lwesiZulu izihloko ezisematheni, ezosaziwayo, ezemfundo, ezemidlalo kanye nangabantu abenza izinto ezinhle emphakathini. Sibika zonke izindaba ngokuthembeka, ngeqiniso nangobuqotho.