UBOLILE INDUKU OBHAXWE UZODWA WABANTU KUBANGWA U-BEN 10

UNONTANDAKUBUKWA uTebogo ‘Afrodolllight’ Makgoba ukhala ngokuboliswa ngenduku omunye unontandakubukwa uZodwa Wabantu waseThekwini kwenye yezindawo zobumnandi ngempelasonto edlule. U-Afrodolllight ubhale ekhasini lakhe le-Instagram ukuthi ushawe kanzima ngempelasonto.

“Ngishawe u @Zodwalibram izolo e-Delmas, ukuthi ubengishayelani, angazi. Ngihlukumezekile. Uhlephule ama-brace ami nomakhalekhukhwini, Ungihlulile. Mdala kakhulu uZodwa bafethu”, kusho u-Afrodolllight.

Uphinde wafaka omunye umbhalo ethi: “Ngishayiwe izolo ebusuku intandokazi yenu uZodwa Wabantu…Yoh kubi angikaze ngishawe kanje…Ukuthi bengishawelani angazi. Uphule umakhalekhwini wami nama-brace ami. Ngicela ningisiza, anganzi ngenzeni”.

Abazibonele kwenzeka lokhu bathe impi phakathi kwalaba iqale ngokuthi u-Ben 10 kaZodwa Wabantu abonakale enamathelene no-Afrodolllight. “Ngicabanga ukuthi u-Ben 10 ubevele emfuna u-Afrodolllight ngesikhathi esasemcimbini kanti uZodwa Wabantu uzobona. Akabange esabuza luthi uvele wakhwela phezu kuka-Afrodolllight ngesibhaxu, kwawubusantusantu”, kusho umthombo.

Ethintwa uZodwa Wabantu ukuze aphawule ngalesi gameko walile ukukhuluma nentatheli.

“Kade ngilokhu ngifonelwa abantu abazenza amaphoyisa ngakho okwamanje akulungile ukuba ngingaphawula kunoma yini engibuzwa yona.