BAZONGCWATSHWA NGESONTO ABAYISI-8 ABABHUBHA KU-N2 EMANDENI
UNGQONGQOSHE wezokuthutha esifundazweni saKwaZulu-Natali, uMnuz. Sboniso Duma usememezele ukuthi yena kanye nezimeya, ikhansela uMnuz. Thobani Shandu kamasipala wesifunda Ilembe nekhansela uMnuz. Thabani Mdlalose kamasipala waseMandeni bazohola izinhlelo ezizothatha izinsuku ezine zokweseka imindeni yabafi abadlula emhlabeni engozini eyenzeka ku-N2 eMandeni.
UMnuz. Duma uthe bazokhapha imindeni uma isilande izidumbu emakhazeni, beye nayo emakhaya kuze kufike usuku lokufihla.
Kuzokhumbuleka ukuthi ngesonto eledlule kube nengozi enyantisa igazi emgwaqeni u-N2 lapho kushayisane khona iloli kanye nemoto encame i-Avanza ngezintatha zangoLwesihlanu, kwafa abantu abayisishiyagalombili.
Selolunke uhlelo lokuseka imindeni luzohamba kanje:
Ukushiya izimbali endaweni yesigameko
Usuku: 17 Mfumfu 2024
Isikhathi: 09:00
Indawo: Lapho okwenzeke khona ingozi, phakathi kwebhulohwe 18 no 19, ku-N2 eMandeni
Inkonzo yesikhumbuzo
Usuku: 17 Mfumfu 2024
Isikhathi: 10:00
Indawo: Emaromeni Sports Field, kumasipala waseMandeni, ward 3
Inkonzo enkulu yomngcwabo
Usuku: 20 Mfumfu 2024
Isikhathi: 09:00
Indawo: Emaromeni Sports Field, kumasipala waseMandeni, ward 3
