ULatoya Makhene obizwe ngomphuphe wenyanga ohlelweni i-'Fake Gobela'

UBIZWE NGOMPHUPHE WENYANGA OBEDLALA KU-GENERATIONS

August 20, 2024 INTATHELI YOMKHAYA

UMLINGISI obedlala indawo kaTshidi emdlalweni owuchungecgunge, i-Generations The Legacy oboniswa ku-SABC 1, uLetoya Makhene ubizwe ngomphuphe wenyanga ohlelweni oludlala kuMoja Love oluthi Fake Gobela. Lokhu kulandela ukuthi omunye wabebengamakhasimende akhe uMakhene ebhalele lolu hlelo ekhala ngokuthi akakwenzanga ayemkhokhele ukuthi akwenze,

I-Fake Gobela uhlelo oluveza impilo yangempela olunenhloso yokuveza obala izinyanga ezidla imbumba nezithembisa abantu into engekho.

Kuthiwa uKabelo Mpongo ongomunye obezothwasa kuMakhene uqonde ngqo kubadidiyeli be-Fake Gobela ukuze athole usizo njengoba ubekhala ngokulahlekelwa imali yakhe ekhokhela uMakhene ongamsizanga ngalutho.

UMokhene osewaba inyanga kusolwa ukuthi uhlulekile ukusiza ikhasimende lakhe emuva kokuba selikhokhe imali engu-R2800 kuye futhi selihlale amasonto amabili esigodlweni sakhe lithwasela ubunyanga.

Iziko lezindaba lithole ukuthi ngokujwayelekile uMakhene ukhokhelwa imali engu-R10 000 uma ethwasisa kodwa uMpongo wazikhalela wagcina ekhiphe u-R1 300 ukuze aqale ukuthwasa walandelisa ngo-R1 500 wokwenza eminye imicilikisho yobungoma.

Kukhulunywa naye uMakhene uphikile ukuthi wabamba uMpongo,uthe isikhathi esingamasonto amabili asihlale esigodlweni sincane kakhulu ngoba ukuthwasela ubunyanga kudinga isikhathi eside.

Omunye ophawule evikela uMakhene ku-X uthe usola ukuthi uMpongo ubethunywe obethandana noMakhene, uLebo Keswa ngenhloso yokuzama ukumhlambalaza nokumehlisa isithunzi. Kuzokhumbuleka ukuthi uMakhene usanda kuhlukana nebeyisithandwa sakhe ngoNhlangulana nonyaka.

Uthombo: IOL