Izindaba

AMAPHOYISA ASETHOLE ABANYE BOKUFIKA ABEBETHUNJIWE ABANGU-90

AMAPHOYISA akuleli ophiko lwe-Special Task Force asethole abantu abangamashumi ayisishiyagalolunye (90) abangabokudabuka e-Ethiopia bonke bengenawo amaphepha ngoLwesibili e-Sunnydale Ridge eGoli. Kuthiwa laba bebegcinwe lapha kungavunyelwene futhi bebehlukunyezwa kanzima.

Omunye wabatholakele lapha uzisholo yena ukuthi ungowase-Ethiopia futhi akanawo amaphepha. Uthunjwe ngoLwesibili olwedlule eseBenoni, laba abebemthumbile bebemhlukumeza kanzima befonela nomndeni wakhe ukuthi mawufake isamba semali enkulu kubo ukuze bamdedele. Kuthiwa abasolwa kulindekele ukuthi bavele enkantolo i-Palm Rigde Magistrate Court.

Uphiko lwamamaphoyisa i-Priority Crime Investigations (HAWKS) selijutshwe ukuthi luqhubeke naleli cala. Kunconywe amaphoyisa ase-Sandriagham, i-Organized Crime Detectives Unit, Crime Intelligence Unit nawase-Daveynton nezinkampani zonogada ngokusebenza ngokukhandla ukuze kubanjwe abasolwa.

INTATHELI YOMKHAYA

UMKHAYA iziko lezindaba elibika ngolimi lwesiZulu izihloko ezisematheni, ezosaziwayo, ezemfundo, ezemidlalo kanye nangabantu abenza izinto ezinhle emphakathini. Sibika zonke izindaba ngokuthembeka, ngeqiniso nangobuqotho.