Umhlengikazi Ubulale Umsebenzi Wasendlini Ukuze Athole R6m Womshwalense
Uboshiwe umhlengikazi oneminyaka engamashumi amane nesishiyagalombili (48) emuva kokutholakala kobufakazi bokuthi uyena obulale uBusiswa Nxumalo obemzisa endlini. Kuthiwa lomhlengikazi ubulale uNxumalo oneminyaka engamashumi amabili nanye (21) ngenhloso yokukhokhelwa imali engu-R6 million yomshwalense.
Kuthiwa umhlengikazi (eligodliwe igama lakhe aze avele enkantolo) uthathele uBusiswa imishwalense kwizinkampani ezithathu i-Stangen Life, Outsurance, ne-King Price. Uma isihlangene lemishwalense ilinganiselwa ku-R6 million kanti umhlengikazi uyena kuphela owayezohlomula uma eshona uBusiswa.
Uboshwe ngoLwesithathu ekuseni emzini wakhe ose-Vosroorus eGoli.
Kusolwa ukuthi ubulale uBusiswa emzini abehlala kuwona ose-Lenasia South ngoMasingana 2022. Isidumbu sikaBusiswa sitholakale endaweni yokulahla imfucuza eLenasia South, okuyibangana nje mawusuka ezindlini zabahlengikazi.
Uphenyo lwamaphoyisa luthole ukuthi umhlengikazi uthathele uBusiswa lemishwalense emuva kwezinyanga eziyisikhombisa emlande kubo kwaNongoma, KwaZulu-Natali ukuze amsebenzele.
Ngokwalemishwalense umhlengikazi uzothola imali engu-R6 million uma uBusiswa efa ngokwemvelo.
Izinkampani zemishwalense seziwavalile ama-account alomhlengikazi emishwalense emuva kokuthola ukuthi uwavule ngokugebengu. Lo mhlengikazi ongowodabuka kwaNongoma, KwaZulu-Natali uzovela enkantolo maduze ngecala lokubulala nokukhwabanisela izinkampani zomshwalense.
