Ezosaziwayo

UKabza De Small Ube Indlondlo Yezindondo Kowe-MMA2024

Umculi we-Piano uKabelo ‘Kabza De Small’ Motho ukhale wemuka nezindondo ezine emcimbini i-Metro FM Music Awards 2024 (MMA24) obuseMbombela Stadium eMpumalanga ngoMgqibelo ebusuku. Kulezindondo ezinqotshwe uKabza kukhona eye Best Produced Album, Best Collaboration, Best Amapiano neye Song of the Year. Indondo ebibhekwe ngabomvu kulo mcimbi eye-Lifetime Achievement Award edluliselwe ku-Oscar ‘Oskido’ Mdlongwa ongu-DJ noLebo Mathosa ongasekho owayengumculi, eseqenjini i-Boom Shaka.

Lo mcimbi wokuhlonipha amaciko asendimeni yomculo ubudle ngokukhanga nangobumnandi. Amanye amaciko ahambe nezindondo u-DJ Kotini onqobe kwi-Kwaito/Gqom Artist of the Year no Lwah Ndlunkulu onqobe eye-Artist of the Year.

Izinga lo mcimbi wakulonyaka obuphethwe ngobunono uLuthando ‘Loot Love’ Shosha no Tebogo ‘Proverb’ Thekisho beliphezulu kakhulu kanti kulabo abebethula izindondo kubaculi, abathokozelwe kakhulu zihlwele ebezigcwele phama ehholo lenkundla umlingisi Cedric Fourie odume ngelikaLehasa emdlalweni i-Skeem Saam odlala ku-SABC 1 nomculi we-pop uMakhadzi.

Isithombe: Loot Love

Osaziwayo abebehambele i-MMA kulonyaka balenzile iqiniso ngakwezengqephu njengoba bebebonakala begqoke beconsa ku-black carpet. Izihambeli eziningi ezihambele i-MMA2024 bezinamathele impela kwisiqubulo sawo lomcimbi ebesithi ‘Black To The Future’ njengoba bezibonakala zidlubhe ezimnyama sucu.

Isithombe: Vusi Nova

Isithombe: Khutsho Theledi

Isithombe: Lamiez Holworthy

Sebebonke abanqobe izindondo ku-MMA2024:

Artist of the Year: Lwah Ndlunkulu

Best Dou/Group: Thee Legacy

Best Jazz Album: Amandla Freedom Ensemble, Oratario Of A Forgoten Youth

Best Viral Challenge: Titom & Yuppe, Tshwala Bam ft. S.N.E & Eeque

Best R&B: Mthandazo Gatya, In 2 U

Best Collaboration: Kabza De Small & Mthunzi, Imthandazo ft DJ Maphorisa, Young Stunn, Sizwe Alkaline, Umthakathi Kush

Best Gospel Album: Ntokozo Mbambo, Lavish Worship

Best Hip-Hop: A-Reece, Ving Rhyms

Best Dance: Zakes Bantwini, Mama Thula ft Sykes Wanda, Thokzin & Suffocate SA

Best Kwaito/Gqom: DJ Kotin, Hello ft Big Nuz, Mshayi & Mr Thela

Best Ama-Piano: Kabza De Small & Mthunzi, Imithandazo ft DJ Maphorisa, Young Stunn, Sizwe Alkaline, Umthakathi Kush

Best Produced Album: Kabza De Small & Mthunzi, Imthandazo ft DJ Maphorisa, Young Stunn, Sizwe Alkaline, Umthakathi Kush

Best New Artist: Nontokozo Mkhize

INTATHELI YOMKHAYA

UMKHAYA iziko lezindaba elibika ngolimi lwesiZulu izihloko ezisematheni, ezosaziwayo, ezemfundo, ezemidlalo kanye nangabantu abenza izinto ezinhle emphakathini. Sibika zonke izindaba ngokuthembeka, ngeqiniso nangobuqotho.