EZEMFUNDO

Kuhlelwa I’Mpangeni Last Push Crossnight’ Ezohlomisa Abe-Maths Ne-Science

UGALAGALA lwe-tutor oseluhlabane izikhawu eziningi ngemiklomelo yezemfundo, uMnuz. Theophilus Ntshalintshali luzobe lwenza oludume ngakho mhlaka-4 Nhlaba 2024 eMpangeni, KwaZulu-Natali lapho kuzobe kungalelwe, kudliwa incwadi kuphela.

Kwimiklomelo yokufundisa ake wahlabana ngayo uNtshalintshali yi-Distinguished Leadership Award ayithole e-UKZN lapho ebencintisana khona nenqwaba yabantu abangamakhulu amahlanu (500). Uphinde wahlabana ngomklomelo we-Best Tutor in Geometry khona e-UKZN. Njengamanje uyingxenye ye-WTS Math and Science Academy eyaziwa umhlaba wonke ephethwe uDkt. Khangelani Sibiya ohlonishwayo kwezemfundo.
KUZOTHI ngomhlaka-4 Nhlaba 2024, Ilembe Lama-Tutor & Ntshali Squared nokuyigama uNtshalintshali adume ngalo babe seMcabango High School eseMandlankala eMpangeni lapho abazobe befundisa i-Maths ne Maths Lit Paper 2 kumabanga-11 no 12. Lezifundo zizoqala ngehora lesithupha (18:00) kusihlwa kuye kwelesithupha (06:00) ekuseni.Umnikelo ka-R100 ozokhokhwa kulezifundo ezibizwa nge ‘Mpangeni Last Push Crossnight’ angeke uqhathaniswe nolwazi ozophuma uhlomele ngalo izivivinyo. Phambili ngeLembe lama-Tutor & Ntshali Squared Phambili.Uma ufuna ulwazi oluningi ungaxhumana naye uNtshalintshali kulenombolo: 083 814 0992 noma 072 495 1235.

INTATHELI YOMKHAYA

UMKHAYA iziko lezindaba elibika ngolimi lwesiZulu izihloko ezisematheni, ezosaziwayo, ezemfundo, ezemidlalo kanye nangabantu abenza izinto ezinhle emphakathini. Sibika zonke izindaba ngokuthembeka, ngeqiniso nangobuqotho.