Owo Zalo Utshakadula E-Afrika
Intokazi yakwaMashu eThekwini KwaZulu-Natali uThabisile Zikhali, eke yahlabana ngemiklomelo ebingaphandle kwakuleli i-Shining Star Africa ne Scream Awards isiphinde yaqokwa ukungenela i-Africa Choice Awards ezoba seLagos eNigeria ngeSonto mhlaka 3 Ndasa. UThabisile udlala indawo yephoyisa eliwu-constable uBiyela kuZalo oludlala phakathi nesonto ku-SABC 1 makugamanxa ihora lesishiyagalombili (20:30) ebusuku.
Le ntokazi eneminyaka engamashumi amabili nesishiyagalolunye (29) iqokwe ngaphansi komunxa i-The Viewer’s Choice nabanye bakuleli oFaith Nketsi, Yaya Mavundla, nabanye. “Kuyangithokozisa ukuthola ukuhlonishwa ngaphandle kwakuleli, kuyangigqugquzela ukuthi ngenze kahle kakhulu”, kusho uThabisile.
“Nginayo inhlanhla yokuqokwa kuma-awards kodwa engingakusho ukuthi amaphesenti ayi-90 ngisuke ngiqokwa emazweni angaphandle kanti kuyangithokozisa ukuthi sengihlabane kakhulu kuma-awards angaphandle”, kusho yena.
UThabisle useke wabonakala ku Rockvillle ewu Sweety kanti ubuye abonakale kwi-The Queen yomibili lemidlalo edlala esiteshini esikhokhelwayo iMzansi Magic. Lomlingisi oseke wahlabana nge-Best Newcomer ku Scream Awards ngo-2021 wabuye wahlabana nge Best Female Actress ku Shining Star Africa ngo 2023.