EZEMFUNDO

UMasipala WaseMandeni Uklomelise Izindlondlo Kwezemfundo

UMKHANDLU wamakhansela kamasipala waseMandeni uklomelise izikole nabafundi abenze ezibukwayo kumiphumela kamatikuletsheni ka-2023, emcimbini obusehholo laseSibusisiwe eSundumbili ngoLwesithathu.

Kulomcimbi obuthanyelwe amakhansela, izikhulu zoMnyango wezeMfundo KwaZulu-Natali, othisha nabafundi kuphinde kwethulwa uhlelo lwemifundazwe lukaMasipala abafundi abangahlomula kuyona.

Ekhuluma kulo mcimbi oyiMeya eMandeni ikhansela Thabani Mdlalose uthe: “Sibonga bonke ababambe iqhaza ekuthuthukiseni ezemfundo endaweni yethu. Umasipala waseMandeni uyisizinda sabantu abazimiselayo, ngakho akuthusi ukuthi sihlangene namuhla ukuzoklomelisa izikole ezenze kahle”.

Kuphinde kwachonywa uphaphe lwegwalagwala Umhleli Foundation nesikole sabakhubazekile i-Ethel Mthiyane ngeqhaza labo ekuthuthukiseni ezemfundo eMandeni.

Izikole ezizihola phambili eziyishumi (10) ezenze kahle eMandeni:

1. Madlanga High School 100%

2. Mandeni Academy 100%

3. Inkosi K. W Mathaba High School 98.8%

4. Mthengeni High School 97.5%

5. Ingobamakhosi High School 95.3%

6. Nkwenkwezi High School 94.5%

7. Mathubesizwe High School 94.1%

8. Ndondakusuka High School 93.5%

9. Sikhuthele High School 91.2%

10. Impoqabulungu Secondary School 91.1%

Abafundi abazihola phambili abayi-10 abenze kahle:

1. Mathubesizwe High: Ndwandwe Khayalethu

2. Impoqabulungu High: Mathaba Nontobeko

3. Sikhuthele High: Ntuli Nothando

4. Mathubesizwe High: Mtolo Chwayita

5. Kwavusimuzi High: Mbuyazi Sphiwe

6. Mathubesizwe High: Dangazela Masibonge

7. Inkosi Mathaba High: Mthembu Nonhlanhla

8. Tugela Secondary: Ndebele Mthokozisi

9. Mathubesizwe High: Nene Ayanda

10. Mathubesizwe High: Mkhwanazi S’qiniseko

Inkampani yomakhalekhukhwini i-MTN idlulise umklomelo we-laptop kumfundi obaqwaqwade bonke emakhanda kwathi abanye yabaklomelisa ngama-tablets.

Umthombo: Mandeni Municipality/Facebook

www.umkhaya.co.za

INTATHELI YOMKHAYA

UMKHAYA iziko lezindaba elibika ngolimi lwesiZulu izihloko ezisematheni, ezosaziwayo, ezemfundo, ezemidlalo kanye nangabantu abenza izinto ezinhle emphakathini. Sibika zonke izindaba ngokuthembeka, ngeqiniso nangobuqotho.