Inkakha Yezamafilimu Eyayilingisa Emdlalweni Isidingo Isiwumsakazi

ISITESHI somsakazo i-919 FM ebesibizwa Star FM sesimemezele ukuthi usewumsakazi waso u Jack Devnarain owayewu Rajesh Kumar emdlalweni kamabonakude osewaqedwa owawukhonjiswa ku-SABC 3, Isidingo.

Le nkakha yemidlalo ye-TV namafilimu izosakaza uhlelo oluzongena njalo ngoLwesihlanu ngehora lesithupha (6) nelesikhombisa (7) olubizwa ‘Reality Radio’. Kulolu hlelo kuzobe kuxoxwa nabalingisi bemidlalo kamabonakude bakudala nabamanje abayintandokazi yababukeli.

U-Devnarain ubuye enze izikhangiso kumabonakude nasemsakazweni kanti ukungena ku-919 FM esineminyaka emithathu isakazela eGauteng kungase kumvulele amanye amathuba kwezikaqedisizungu.