Uhoxile Esikhundleni Usihlalo we-NSFAS Osolwa Enkohlakalweni

USECELE ukuma okwesikhashana emsebenzini wakhe uMnuz. Enerst Khosa onguSihlalo webhodi le National Students Financial Aid Scheme (NSFAS). Ibhodi limemezela ukuma kukaKhosa lithe lokhu kuzosiza ukuze uphenyo luqhubeke kahle kungabi nokugxambukela kwakhe. UKhosa usolwa ngokukhwabanisa izimali ze NSFAS ebambisene nezinkampani ezihlomula ngama-tender kulesikhwama kanti igama likaNgqongqoshe weMfundo ophinde abe nguNobhala we-SACP, uMnuz. Blade Nzimande nalo liyathinteka njengoba kuthiwa iqembu lakhe lathola umnikelo uvela komunye wabathola i-tender esikhwameni sabafundi.