INingizimu Afrika Ibophe Elakwa-Israel

NGOLWESIHLANU kuvele ukuthi iNingizimu Afrika ithathe isinyathelo esinesisindo njengoba ifake icala enkantolo yamazwe i-International Court of Justice (ICJ) imangalela izwe lakwa-Israel ngamacala obelelesi nokuqotha imbokodo nesisekelo empini eqhubeka eGaza. Sekufe inqwaba yabantu kulempi, kwasala abafelokazi nezintandane. Ingqalasizinda nezakhiwo ezibalulekile zikaHulumeni zibhuqwe zawumlotha njengoba izihonga zakwa-Israel zilokhu ziqhubekile nokuhlasela. UNgqongqoshe wezokuXhumana namaZwe angaphandle uNkk. Naledi Pandor ukuqinisekisile ukuthi elakuleli liwafakile amaphepha kule nkantolo.