I-IFP Isikulungele Ukuphatha uHulumeni

NGOMSUMBULUKO isigungu esiphezulu se-IFP besihlangene nezikhulu zakwa Statistics SA ngenhloso yokuqoqa ulwazi ezolusebenzisa uma seyakha umqulu wayo wokhetho lwango-2024. I-IFP ebiholwa umengameli wayo uMnuz. Velenkosini Hlabisa kulo mhlangano ibonge kakhulu kuMnuz. Risenga Maluleke oyi Statistician-General kwa StatSA ngalomhlangano abangangabazi ukuthi uzobahlomisa ngolwazi olubalulekile ngezwe nangenhlalo yabantu emiphakathini. “Isethulo esenziwe abakwa-StatSA namhlanje sizosinika umqondo ophelele ngezinselelo ezibhekene nabantu bese sakha izinhlelo ezizophendula ngqo kulezo nselelo koMasipala esibaphethe nokuzokwenza nabanye lapho esingaphethe khona bahalele ukuthathwa iNkatha”, kunaba isitatimende seqembu.