UZuma Uzokhankasela Iqembu Elisanda Kusungulwa Ngo-2024
SEKUPHELILE ukuqagela ngekusasa likaMnuz. Jacob Zuma kwezepolitiki. Esithangamini sezindaba ebesingoMgqibelo indodakazi kaZuma uDuduzile Zuma-Sambudla ifunde isitatimende ebesithi uyise uzokhankasela iqembu lepolitiki elisanda kusungulwa elibizwa ngoMkhonto Wesizwe. Leli qembu elisungulwe ngomakadebona be-ANC lizongenela ukhetho lukazwelonke nolwezifundazwe ngonyaka ozayo. Esitatimendeni sikaZuma ebesifundwa indodakazi yakhe uthe usebe yilungu le ANC iminyaka engamashumi ayisithupha nane (64) njengoba ayijoyina ngo-1958.
“Sengibe ilungu le ANC iminyaka engamashumi ayisithupha nane. Ngayijoyina ngo-1958. Sonke lesikhathi bengilokhu ngithembekile kuyona. Ngiboshwe iminyaka eyishumi (10) ejele lase-Robben Island. Ngiyoze ngife ngiyilungu le-ANC. Nokho i-ANC isishintshile. Isihluleke yancama ukuqwashisa ubuholi. Kufanele siyivikele i-ANC ezandleni ezingalungile. Khona okumele kwenziwe. Kuyaqala ukuthi silindele ukuthi i-ANC ingaluwini ukhetho. Kufanele siyivikele kuRamaphosa nembumba yabamhlophe. Angeke ngiyikhankasele i-ANC. Njengoba kwasho uThabo Mbeki, ethi kufana nokuzibulala ukukhankasela i-ANC. Ngokhetho luka 2024 ngizovotela Umkhonto Wesizwe Political Party”, kuphetha isitatimende sikaZuma.
Umkhonto Wesizwe Political Party ibhalise ku-IEC ngomhlaka 7 Sephthemba 2023 njengeqembu lepolitiki elizongenela ukhetho ngo-2024. Ngokwemininingwane evela kwa-IEC linamaHhovisi eThekwini, KwaZulu-Natali. Umuntu ovela njengokuxhunywana naye kuleli qembu uMnuz. Jabulani Sibongiseni Khumalo. Lizovela ephepheni lokuvota ngamagama afingqiwe athi M.K.
